രണ്ട് ആണ്‍കുട്ടികള്‍ ഒരു മലയിലേയ്ക്ക് നെല്ലിക്ക പറിക്കാന്‍ പോയി. നടന്നു പോകുന്ന വഴിക്ക് തന്നെ അവരുടെ കൈവശം ഉണ്ടായിരുന്ന ചെറിയ തൊട്ടിയില്‍ നിറയെ നെല്ലിക്ക കിട്ടി.
പിന്നെ പോക്കറ്റുകളില്‍ നിറച്ചു. ഇനി ശേഖരിക്കാന്‍ സ്ഥലമില്ലെന്ന് കണ്ട് അവര്‍ മലയിറങ്ങി. റോഡരുകിലുള്ള ഒരു സെമിത്തേരിയിലെത്തിയപ്പോല്‍, കിട്ടിയ നെല്ലിക്ക പങ്കുവെയ്ക്കാന്‍ പറ്റിയ സ്ഥലമെന്ന് കരുതി അവിടെയുണ്ടായിരുന്ന ഒരു വലിയ ഓക് മരത്തിന്റെ ചുവട്ടില്‍ രണ്ടുപേരും ഇരുന്നു.
കിട്ടിയ നെല്ലിക്ക മുഴുവന്‍ അവിടെ കുടഞ്ഞിട്ടു.
അപ്പോള്‍ അതില്‍ രണ്ടെണ്ണം ഉരുണ്ട് റോഡരുകിലേക്ക് പോയി.
പിന്നെ അവര്‍ പങ്കുവെയ്പ് ആരംഭിച്ചു. 'ഒന്ന് നിനക്ക് . . . . ഒന്ന് എനിക്ക് . . . . ഒന്ന് നിനക്ക് . . . . .ഒന്ന് . . .എനിക്ക് ' ഇങ്ങനെ പങ്കുവെയ്പ്പ് തുടര്‍ന്നു.
ഈ സമയത്ത് ആ വഴി വന്ന ഒരു കുട്ടി ഇവരുടെ ശബ്ദം കേള്‍ക്കാനിടയായി.
അവന്‍ ചുറ്റുപാടും നോക്കി. ആരേയും കാണുന്നില്ല.
ഒന്ന് സംശയിച്ചു നിന്ന അവന്‍ ഓടി വീട്ടിലെത്തി. 'അപ്പാ. . . . .അപ്പാ' എന്ന് വിളിച്ച് വീട്ടിനുള്ളിലെത്തി.
‘’ 'സെമിത്തേരിയില്‍ . . . . . . . പെട്ടെന്നു വാ’’. . . . . . .'
‘’എന്താ കാര്യം’’ അപ്പന്‍ ചോദിച്ചു.’’ 'സെമിത്തേരിയില്‍ പെട്ടെന്ന് വാ'’’ അവന്‍ കിതച്ചുകൊണ്ട് പറഞ്ഞു.
കുട്ടിയും അപ്പനും കൂടി ഓടി സെമിത്തേരിയിലെത്തി. റോഡിനു മുകളില്‍ നിന്നു.
‘’'അപ്പന്‍ അത് കേട്ടില്ലേ?' മകന്‍ പതുക്കെ ചോദിച്ചു. രണ്ടുപേരും കാത് കൂര്‍പ്പിച്ചു നിന്നു. ‘’'ഒന്നെനിക്ക്. . . . .ഒന്ന് നിനക്ക്'’’ വീണ്ടും ആ ശബ്ദം അവര്‍ കേട്ടു.
കുട്ടി മന്ത്രിച്ചു. ‘’'ദൈവവും പിശാശും കൂടി ആത്മാക്കളെ പങ്കിടുന്നതാ'’’.
കുട്ടികള്‍ നെല്ലിക്ക മുഴുവന്‍ പങ്കിട്ട് കഴിഞ്ഞു. അവസാനം അതിലോരു കുട്ടി മറ്റെയാളോട് പറഞ്ഞു.
‘റോഡിലുള്ളത് രണ്ടെണ്ണം കൂടിയായാല്‍ മുഴുവനാകും’’.
അത് കേട്ട് അപ്പനും മകനും ഓടിയ വേഗതയില്‍ ആരും ഓടിയിട്ടുണ്ടാവില്ല.
No comments:
Post a Comment