മലയാളിയായ ക്രിക്കറ്റ്‌ താരം ശ്രീശാന്തിനെ വാതുവെയ്‌പ്പ്‌ കേസില്‍ അറസ്റ്റ്‌ ചെയ്‌ത്‌ തടവിലാക്കിയിരിക്കുന്നു.അങ്ങേര്‌ വാതുവെച്ചു എന്നുതന്നെയിരിക്കട്ടെ അതിലെന്താ ഇത്ര വലിയ തെറ്റ്‌ ?നിയമ വിരുദ്ധമാണെന്നായിരിക്കും.
അപ്പോള്‍ കുതിരപ്പന്തയത്തിന്‌ വാതുവെക്കാന്‍ നിയമം
അനുവദിക്കുന്നതോ ?ഒരു പന്തിയില്‍ രണ്ട്‌ വിളമ്പ്‌ . അത്‌ എവിടുത്തെ
ന്യായമാ.ഹവാലയും, കള്ളപ്പണവും, അധോലോകവും ഈ
വാതുവെപ്പിലുണ്ടുപോലും.ഇതുകേട്ടാല്‍ തോന്നും കുതിരപ്പന്തയവും, IPL ലേലവും
ഒന്നും ഇതുമായി പുലബന്ധമില്ലാത്തവയാണെന്ന്‌.തേങ്ങ ചോരുന്നത്‌ കാണാതെ എള്ള്‌
ചോരുന്നത്‌ കാണുന്ന പരിപാടിയാണിത്‌.വാങ്ങിയാല്‍ത്തന്നെ 40 ലക്ഷമേ
അങ്ങേര്‍ക്ക് കിട്ടിയുള്ളു. സഹസ്രകോടികള്‍ ഖജനാവില്‍ നിന്നും അമുക്കിയവനൊക്കെ
സുപ്രീംകോടതി പരാമര്‍ശിച്ചിട്ടും പുറത്ത്‌ വിലസുന്നു.ആവശ്യത്തിന്‌ തെളിവ്‌,
തെളിവ്‌ തിരുത്തിയതിനും തെളിവ്‌ എന്നിട്ടെന്താ ?ശ്രിശാന്തിനെ അകത്തിടാന്‍
ഇവിടാര്‍ക്കും ഒരു തെളിവും വേണ്ട.ഇതെന്തു ന്യായം ? ഇതെന്തു നീതി ?
