കുറെ വര്‍ഷങ്ങള്‍ക്ക് മുമ്പ്, ഡിസംബറിലെ ഒരു തണുത്ത ദിനത്തില്‍ ഒരു കുഞ്ഞു ബാലന്‍ റോഡരികിലുള്ള ചെരിപ്പു കടയിലേയ്ക്ക് നഗ്നപാദമായി നോക്കി നില്‍ക്കുകയാണ്. തണുത്തു വിറക്കുന്ന ആ ബാലനെ കണ്ട് ഒരു സ്ത്രീ അവന്റെ സമീപത്തെത്തി ചോദിച്ചു.’ജനലിന്‍ കൂടി അകത്തേയ്ക്ക് നോക്കി മോന്‍ എന്താ ആഴത്തില്‍ ചിന്തിക്കുന്നത്’?'
‘’'ഒരു ജോഡി ചെരുപ്പ് ഞാന്‍ ദൈവത്തോട് ചോദിക്കുകയായിരുന്നു'’’. കുട്ടി മറുപടി പറഞ്ഞു.
ആ സ്ത്രീ അവന്റെ കയ്യില്‍ പിടിച്ച് കടക്കുള്ളിലേയ്ക്ക് പോയി. കടക്കാരനോട് അര ഡസന്‍ ജോഡി സോക്‌സ് ആവശ്യപ്പെട്ടു. ഉടന്‍ അവര്‍ ഒരു പാത്രം വെള്ളവും ഒരു ടൗവലും ചോദിച്ചു. അതും പെട്ടെന്ന് തന്നെയെത്തി. കടയുടെ പുറകുവശത്തേയ്ക്ക് കുട്ടിയുമായി നീങ്ങിയ ആ സ്ത്രീ, മുട്ടുകുത്തി നിന്ന് കുട്ടിയെ കുളിപ്പിച്ച് വെള്ളം തുടച്ച് മിടുക്കനാക്കി.
അപ്പോഴേക്കും കടക്കാരന്‍ സോക്‌സുമായെത്തി. സോക്‌സ് ധരിപ്പിച്ച്, ഷൂസും അണിയിച്ചു. 'ഇപ്പോള്‍ നീ വളരെ സുന്ദരകുട്ടനായിരിക്കുന്നു' എന്ന് പറഞ്ഞ് ആ സ്ത്രീ പോകാന്‍ തുടങ്ങിയപ്പോള്‍ ആ ബാലന്‍ അവരുടെ കയ്യില്‍ മുറുകിപ്പിടിച്ച്, നിറഞ്ഞ കണ്ണുകളോടെ ചോദിച്ചു. ‘’'നിങ്ങള്‍ ദൈവത്തിന്റെ ഭാര്യയാണോ’’?'
No comments:
Post a Comment