''ഈ ചോദ്യത്തിന് മഞ്ജുതന്നെ മുമ്പ് ഉത്തരം പറഞ്ഞതാണ്.'' മാഷ് ഓര്‍മിപ്പിച്ചു.
''ഒരു പണി തീര്‍ന്നിട്ടുവേണ്ടേ അടുത്തത് ചെയ്യാന്‍. ദിവസേന ആറും ഏഴും തവണ ഭക്ഷണം കഴിക്കുന്നവന്റെ ശരീരത്തിന് ഈ ആഹാരസാധനങ്ങള്‍ അരച്ച് ദഹിപ്പിക്കാനുള്ള സമയംതന്നെ തികയു ന്നില്ല.
പിന്നെപ്പോഴാണ് അതു പരിസരം വൃത്തിയാക്കുകയും സ്വയം നന്നാക്കുകയും ചെയ്യുന്നത്. അപ്പോള്‍ മനുഷ്യയന്ത്രം അതിന്റെ പ്രത്യേക സവിശേഷസ്വഭാവം പ്രയോഗിക്കണമെങ്കില്‍ അതിനു വേണ്ടത്ര വിശ്രമസമയം നല്‍കാന്‍ നാം തയാറാകണം.''''അതിനു നമ്മള്‍ രാത്രിയില്‍ കിടന്നുറങ്ങുന്നതു പോരേ ?'' അച്ചുവിന്റെ സംശയം.
''നമ്മള്‍ ഉറങ്ങുമ്പോഴും ദഹനേന്ദ്രിയം പ്രവര്‍ത്തിച്ചുകൊണ്ടല്ലേ ഇരിക്കുന്നത്. ദഹനേന്ദ്രിയത്തിനു വിശ്രമം കിട്ടണമെങ്കില്‍ അകത്തേക്കു കൊടുക്കുന്ന ഭക്ഷണത്തിന്റെ അളവു കുറയ്ക്കണം.
''നമ്മുടെ പൂര്‍വികര്‍ക്ക് ഇക്കാര്യം അറിയാമായിരുന്നു.
അതുകൊണ്ടാണ് പ്രധാനപ്പെട്ട മതവിഭാഗങ്ങളെല്ലാം മതാചാരങ്ങളുടെ ഭാഗമായി നോമ്പും ഉപവാസവും ചിട്ടപ്പെടുത്തിയിരിക്കുന്നത്. ആധുനികതലമുറയ്ക്ക് ഇതൊക്കെ അനാചാരങ്ങളും അന്ധവിശ്വാസങ്ങളുമായി തോന്നാം. ഒരുപക്ഷേ, ഈ ആചാരങ്ങള്‍ക്ക് പൂര്‍വികര്‍ കല്പിച്ചു നല്‍ കിയ പാപപുണ്യ വ്യാഖ്യാനമാകാം കാരണം.
പൂര്‍വികര്‍ അതു ചെയ് തതും ബോധപൂര്‍വമാണെന്നു കരുതാം.
വിശ്വാസത്തിനുമാത്രം സ്ഥാനമുണ്ടായിരുന്ന അക്കാലത്ത് എന്തും ആ തലത്തില്‍ മാത്രമേ ജന
സാമാന്യത്തിനുമേല്‍ പ്രാവര്‍ത്തികമാക്കാന്‍ കഴിയുമായിരുന്നുള്ളൂ.'' മാഷ് വ്യക്തമാക്കി.
''നിങ്ങള്‍ കുളി കഴിഞ്ഞ് ആദ്യം തോര്‍ത്തുന്ന ശരീരഭാഗത്ത് മൂശേട്ടയും, രണ്ടാമത്തെ സ്ഥലത്ത് സരസ്വതിയും മൂന്നാമത്തെ സ്ഥലത്ത് മഹാലക്ഷ്മിയും ഇരിക്കും എന്ന പ്രമാണം കേട്ടിട്ടുണ്ടോ ?'' മാഷ് ചോദിച്ചു.
''ഇല്ല. ഞങ്ങള്‍ കുളികഴിഞ്ഞ് ആദ്യം മുഖവും പിന്നെ തലയുമൊക്കെയാണു തുടയ്ക്കുക.'' മീര പറഞ്ഞു. പിള്ളമനസില്‍ കള്ളമില്ലല്ലോ.
''ഹൈന്ദവവിശ്വാസമനുസരിച്ച് ആദ്യം പുറം തുടയ്ക്കണം. എങ്കില്‍ മൂശേട്ട പുറത്തിരിക്കും.
രണ്ടാമത് തല. സരസ്വതി വേണ്ടേ അവിടെയിരിക്കാന്‍.
മൂന്നാമത് മുഖം തുടച്ച് മഹാലക്ഷ്മിയെ അവിടെ യിരുത്തണം.''
മാഷ് റോണിയെ നോക്കിപ്പറഞ്ഞു: ''ഞാനീപ്പറയുന്നത് അന്ധവിശ്വാസമാണെന്നു പറഞ്ഞ് മുമ്പത്തേപ്പോലെ ബഹളം വയ്ക്കരുത്. ഇതിനു പിന്നിലുമുണ്ട് ഒരു ശാസ്ത്രീയത. തണുപ്പ് പെട്ടെന്നു ബാധിക്കുന്നതു നട്ടെല്ലിനെ ആയതിനാല്‍ ആദ്യം പുറം തുടയ്ക്കണം.
തലയില്‍ വെള്ളം നില്ക്കുന്നത് ജലദോഷത്തിനു കാരണമാകാം എന്നതുകൊണ്ട് രണ്ടാമതു തല തുടയ്ക്കണം. അവസാനം മുഖം.
ഏതു വ്യാഖ്യാന മാണ് ജനങ്ങളെ കൂടുതല്‍ സ്വാധീനിക്കുന്നതെന്നു നോക്കൂ. ഇതു തന്നെയാണു നോമ്പ് - ഉപവാസങ്ങളുടെ കാര്യത്തിലും പൂര്‍വികര്‍ ചെയ്തത്.''
''ഒന്നോ രണ്ടോ ഇഷ്ടവിഭവങ്ങള്‍ ഉപേക്ഷിക്കുന്ന നോമ്പ് എടുക്കാന്‍ എന്താണു ബുദ്ധിമുട്ട് ?'' മഞ്ജു ചോദിച്ചു.
തുടരും.............
No comments:
Post a Comment